1 bolli grænar linsubaunir – geymdar í vatni í ísskáp yfir nótt
1 laukur
4-5 hvítlauksrif, marin
vænn bútur af engifer, rifið
heimalagað karrí, sjá uppskrift hér
1/4 bolli valhnetur sem hafa legið í vatni í a.m.k. sólarhring
1/4 bolli kasjúhnetur sem hafa legið í vatni í a.m.k. sólarhring (má sleppa og nota bara valhnetur)
Tveir bollar af vatni og hnetur settar í nutribullet og búið til mjólk
1 1/2 bolli grænmetissoð
tveir stilkar af brokkolí settir í matvinnsluvél og unnir smátt.
smá himalaya salt ef vill
Laukur steiktur í avocadoolíu við miðlungshita þar til meyr. Bæta rifnum hvítlauk og engifer við og steikja áfram í stutta stund á lágum hita. Taka pottinn af hellunni og krydda með um 2 msk af karrí, hræra vel saman. Setja pottinn aftur á helluna og hita í ca 1-2 mínútur áfram á lágum hita. Bæta þá grænmetissoðinu við og hnetumjólkinni. Hræra saman. Bæta nú vel skoluðum linsubaunum við og brokkólíinu. Sjóða við vægan hita í lokuðum potti í ca 40-60 mínútur. Hræra í annað slagið. Bæta salti við í lokin ef þarf.